Maine Dekha Hai Ki Lyrics - Waqt

Maine ek khwab sa dekha hai
Zara mein bhi sunun
Sunke sharma to na jaogi
Tum se nahi

Maine dekha hai ki
Phoolon se ladi shakhon mein
Tum lachakti huyi
Yoon meri kareeb aayi ho

Jaise muddat se yunhi
Sath raha ho apna
Jaise abki nahin
Sadiyon ki shanasai ho

Maine bhi khwaab sa dekha hai
Kaho tum bhi kaho
Khud pe itra to na jaoge
Nahi khud pe nahi

Maine dekha ki gaate huye
Jharno ke kareeb
Apni betaab yeh jazbaat
Kahe hain tumne

Kaanpte hothon se
Rukti huyi awaz ke sath
Jo mere dil mein thi
Woh baat kahi hai tumne

Aanch dene laga
Kadmon ke tale barf ka farsh
Aaj jaana ki mohabbat mein hai
Garmi kitani

Sangmarmar ki tarah
Sakht badan mein tere
Aa gayi hai mere
Chhu lene se narmi kitni

Hum chale jaate hain
Aur door talak koyi nahi
Hum chale jaate hain
Aur door talak koyi nahi
Sirf patton ke chatakne
Ki sada aati hai

Dil mein kuchh aise
Khayalaat ne karwat li hai
Mujhko tumse nahi
Apne se haya aati hai

Main dekha hai ki
Kohre se bhari vaadi mein
Main yeh kehta hoon
Chalo aaj kahin kho jayein

Main yeh kehti hoon ki
Khone ki zaroorat kya hai
Odh kar dhundh ki
Chadar ko yahin so jayein