Phoolon Ke Rang Se Lyrics - Prem Pujari

Phoolon ke rang se dil ki kalam se
Tujhko likhi roz paati
Kaise bataun kis kis tarah se
Pal pal mujhe tu sataati

Tere hi sapne lekar ke soya
Teri hi yaadon mein jaaga
Tere khayalon mein uljha raha yoon
Jaise ke mala mein dhaga

Haan baadal bijli chandan paani
Jaisa apna pyar
Lena hoga janam humein
Kayi kayi baar

Haan itna madir itna madhur
Tera mera pyar
Lena hoga janam humein
Kayi kayi baar

Saanson ki sargam dhadkan ki veena
Sapno ki geetanjali tu
Mann ki gali mein mehke jo hardam
Aisi juhi ki kali tu

Chhota safar ho lamba safar ho
Sooni dagar ho ya mela
Yaad tu aaye mann ho jaaye
Bheed ke beech akela

Haan baadal bijli chandan paani
Jaisa apna pyar
Lena hoga janam humein
Kayi kayi baar

Haan itna madir itna madhur
Tera mera pyar
Lena hoga janam humein
Kayi kayi baar

Poorab ho pachchhim uttar ho dakkhin
Tu har jagah muskuraye
Jitna hi jaaun main door tujhse
Utni hi tu paas aaye

Aandhi ne roka paani ne toka
Duniya ne hans kar pukara
Tasveer teri lekin liye main
Kar aaya sabse kinara

Haan baadal bijli chandan paani
Jaisa apna pyar
Lena hoga janam humein
Kayi kayi baar

Haan itna madir itna madhur
Tera mera pyar
Lena hoga janam humein
Kayi kayi baar
Kayi kayi baar
Kayi kayi baar