Hai Jag Mein Jiska Naam Amar Lyrics - Resham Ki Dori

Bolo Siyavar Ramchandra ki jai

Hai jag mein jiska naam amar
Us raghuvar ke gunn gaata hoon
Insano mein bhagwan tha jo
Us Ram ki katha sunata hoon
Insano mein bhagwan tha jo
Us Ram ki katha sunata hoon

Dashrath ke ghar mein janam liya
Toda Shiv dhanush sawayamwar mein
Jab raj tilak ka din aaya
Banvaas mila apne ghar mein

Tab panchvati mein ek roz
Sone ka ek hiran aaya
Jab Ram chale uske peechhe
Rawan Sita ko har laaya
Jab Ram chale uske peechhe
Rawan Sita ko har laaya

Sita shakti jagat ki
Ram satya ka naam
Bheetar baahar sab jagah
Base hain Sita Ram
Bolo Siyavar Ramchandra ki jai

Sita darshan paane ke liye
Mandir mandir ke man bhatke
Sabko bhatkaane wala wohi
Sita ke bina van van bhatke

Raja ko banaya vanvaasi
Dekho ishwar ki maya
Jise chhal na saka koyi bhi use
Sone ke hiran ne bharmaya
Jise chhal na saka koyi bhi use
Sone ke hiran ne bharmaya

Raghuvar ka jab dukh badha
Chale veer Hanuman
Ja pahunche Lanka puri
Karte parbhu ka dhyan
Bol Bajrang bali ki jai

Phoolon ki ek vaatika mein
Vaanar ne dekha Sita ko
Jaakar parbhu ka sandesh diya
Jag jan-ni kunj puneeta ko

Tab Meghnaad ne jaa pakda
Aur poonchh mein aag laga daali
Us agni se Bajrangi ne
Sab Lanka rakh bana daali
Us agni se Bajrangi ne
Sab Lanka rakh bana daali

Ram nama hai punya ka
Rawan paap ka naam
Dono ke sangram ka
Ab dekho parinam
Bolo Siyavar Ramchandra ki jai

Jab teer chale sachchai ke
Aakhir to buraai haar gayi
Aur Ram ki sena naav bina
Pal bhar mein sagar paar gayi

Das sheesh the jiske aur jiske
Ghar maut rahi bankar daasi
Use ek teer se maar gaya
Koyi seedha sachcha banvaasi
Use ek teer se maar gaya
Koyi seedha sachcha banvaasi