Ek Baat Main Apne Dil Lyrics - Diljale

Ek baat main apne dil mein liye
Kya jaane kab se phirta hoon
Ab tum hi bata do yeh mujhko
Woh baat main tumse kaise kahun
Jo mujhko tumse kahni hai

Yeh baat agar woh hai ke jise
Sunte hi pigal jaate hain dil
Yeh baat agar woh hai ke jise
Sunte hi mile khoyi manzil
Woh mujhko tumse sun'ni hai
Hey hey aaha ha ha

Woh baat mere dil mein hai magar
Hothon pe nahi aa paati hai
Kabhi lafz nahi milte mujhko
Aawaz kabhi ruk jaati hai
Woh baat kahun to kaise kahun

Badhti dhadkan behti nazrein
Uljhi saansein keh deti hain
Jo baat nahi keh paate tum
Use yeh baatein keh deti hain
Tum kuchh na kaho main sunti hoon

Woh baat agar tum jaan gayi
To socha kya hai yeh to kaho
Main tumse khul ke keh na saka
Par tum to yoon gumsum na raho
Tum kuchh to kaho tum kuchh to kaho
Aaha aaha ha ha

Tum mujhko nahi pehchan sake
Par main tumko pehchan gayi
Woh baat kaho ab ya na kaho
Main sune bina hi jaan gayi

Kuchh aur agar kehna hai kaho
Sach poochho to kuchh kehne ki
Sun'ne ki kahan zarurat hai
Yeh baat hi jab tum jaan gayi
Ke mujko tumse mohabaat hai
Haan mujko tumse mohabaat hai

Mujko bhi tumse mohabaat hai
Haan mujko tumse mohabaat hai