Kavi Raja Kavita Ke Mat Ab Lyrics - Navrang

Arre kavi raja kavita ke mat ab kaan marodo
Kavi raja kavita ke mat ab kaan marodo
Dhandhe ki kuchh baat karo kuchh paise jodo

Sher shayari kavi raja na kaam aayegi
Kavita ki pothi ko deemak kha jayegi
Bhav chadh rehe anaaj ho raha mehanga din din
Bhookh maroge raat kategi taare gin gin
Achchha
Isiliye yeh kehta hoon bhaiya yeh sab chhodo
Dhandhe ki kuchh baat karo kuchh paise jodo

Arre chhodo kalam chalao mat kavita ki chaaki
Ghar ki rokad dekho kitne paise baaki
Arre kitna ghar mein ghee hai kitna garam masala
Kitne paapad badi mangodi mirch masala
Kitna tel non mirch haldi aur dhaniya
Kavi raja chupke se tum ban jao baniya

Arre paise par racho kaavya
Bhookh par geet banao
Paise arre paise par racho kaavya
Bhookh par geet banao
Ghehun per ho gazal dhaan ke sher sunao
Wah jawab nahi wah

Non mirch par chaupai chawal par ho dohe
Sugal koyale per kavita likho to sohe
Arre jawab nahi

Arre kam bhaade ki
Kam bhaade ki kholi par likho kawwali
Kam bhaade ki kholi par likho kawwali
Jhan jhan karti kaho rubaai paise wali
Achchha

Shabdon ka janjaal bada lafda hota hai
Shabdon ka janjaal bada lafda hota hai
Kavi sammelan dost bada jhagda hota hai
Mushayaron ke sheron par ragda hota hai
Paise wala sher bada tagda hota hai

Isiliye kahta hoon mat isse sar phodo
Dhandhe ki kuchh baat karo kuchh paise jodo
Paise jodo paise jodo