Yeh Kahan Aa Gaye Hum Lyrics - Silsila

Yeh Kahan Aa Gaye Hum Lyrics from Silsila is sung by Lata Mangeshkar and Amitabh Bachchan and written by Javed Akhtar. Music of Yeh Kahan Aa Gaye Hum is composed by Shiv-Hari.

Yeh Kahan Aa Gaye Hum - Silsila
Yeh Kahan Aa Gaye Hum Song Detail
Song : Yeh Kahan Aa Gaye Hum
Album : Silsila (1981)
Singer : Lata Mangeshkar, Amitabh Bachchan
Musician : Shiv-Hari
Lyricist : Javed Akhtar

Yeh Kahan Aa Gaye Hum Lyrics


Main aur meri tanhai, aksar yeh baatein karte hain
Tum hoti to kaisa hota
Tum yeh kehti, tum woh kehti
Tum is baat pe hairan hoti
Tum us baat pe kitni hansti
Tum hoti to aisa hota, tum hoti to waisa hota
Main aur meri tanhai, aksar yeh baatein karte hain

Yeh kahan aa gaye hum
Yoon hi sath sath chalte
Teri baahon mein hai jaanam
Mre jism-o-jaan pighalte

Yeh kahan aa gaye hum
Yoon hi sath sath chalte

Yeh raat hai ya tumhari zulfein khuli huyi hain
Hai chandni ya tumhari nazron se
Meri raatein dhuli huyi hain
Yeh chaand hai ya tumhara kangan
Sitare hain ya tumhara aanchal
Hawa ka jhonka hai ya tumhare badan ki khushbu

Yeh pattiyon ki hai sarsarahat
Ke tumne chupke se kuchh kaha hai
Yeh sochta hoon main kabse gumsum
Ki jabki mujhko bhi yeh khabar hai
Ki tum nahin ho, kahin nahin ho
Magar yeh dil hai ki keh raha hai
Tum yahin ho, yahin kahin ho

Tu badan hai main hoon chhaya
Tu na ho to main kahan hoon
Mujhe pyar karne wale
Tu jahan hai main wahan hoon
Humein milna hi tha humdam
Kisi raah bhi nikalte

Yeh kahan aa gaye hum
Yoon hi sath sath chalte

Meri saans saans mehke
Koyi bheena bheena chandan
Tera pyar chandni hai
Mera dil hai jaise aangan
Huyi aur bhi mulayam
Meri shaam dhalte dhalte

Yeh kahan aa gaye hum
Yoon hi sath sath chalte

Majboor yeh halaat idhar bhi hai, udhar bhi
Tanhai ke ek raat idhar bhi hai, udhar bhi
Kahne ko bahut kuchh hai
Magar kis se kahein hum
Kab tak yoon hi khamosh rahein aur sahein hum
Dil kehta hai duniya ki har ek rasm utha dein
Deewar jo hum dono mein hai aaj gira dein
Kyon dil mein sulagte rahein logon ko bata dein
Haan humko mohabbat hai, mohabbat hai, mohabbat hai
Ab dil mein yehi baat idhar bhi hai, udhar bhi

Yeh kahan aa gaye hum
Yoon hi sath sath chalte
Yeh kahan aa gaye hum