O Duniya Ke Rakhwale Lyrics - Baiju Bawra
Read & sing along O Duniya Ke Rakhwale Lyrics from the movie Baiju Bawra - 1952 which is sung by Mohammad Rafi. You can also get other songs & lyrics from Baiju Bawra. Baiju Bawra is a 1952 Hindi movie starring Bharat Bhushan, Meena Kumari and B M Vyas.
O Duniya Ke Rakhwale Song Detail
Song: O Duniya Ke Rakhwale
Album: Baiju Bawra (1952)
Singer: Mohammad Rafi
Musician: Naushad
Lyricist: Shakeel Badayuni
Star Cast: Bharat Bhushan, Meena Kumari, B M Vyas etc.
O Duniya Ke Rakhwale Lyrics
Bhagwan, bhagwan, bhagwan
O duniya ke rakhwale
Sun dard bhare mere naale
Sun dard bhare mere naale
Aash nirash ke do rangon se
Duniya toone sajaayi
Naiya sang toofan banaya
Milan ke saath judaai
Ja dekh liya harjayi
O lut gayi mere pyar ki nagri
Ab to neer baha le, bhagwan
Ho ab to neer baha le
O duniya ke rakhwale
Sun dard bhare mere naale
Aag bani sawan ki barkha
Phool bane angare
Naagan ban gayi raat suhani
Patthar ban gaye taare
Sab toot chuke hain sahare
O jeewan apna wapas le le
Jeewan dene waale
O duniya ke rakhwale
Chaand ko dhoondhe paagal sooraj
Shaam ko dhoondhe savera
Main bhi dhoondhun us preetam ko
Ho na saka jo mera
Bhagwan bhala ho tera
O kismat phooti aas na tooti
Paanv mein pad gaye chhaale
O duniya ke rakhwale
Mahal udaas aur galiyan sooni
Chup-chup hain deewarein
Dil kya ujda duniya ujdi
Rooth gayi hain bahaarein
Hum jeewan kaise guzaarein
O mandir girta phir ban jaata
Dil ko kaun sambhaale
O duniya ke rakhwale
Sun dard bhare mere naale
Sun dard bhare mere naale
O duniya ke rakhwale
Rakhwale, rakhwale, rakhwale
